इशारा व उपाय योजना
	रोजगार व स्वयंरोजगार यंत्रणेची सेवा विनामूल्य आहे.
	लाच देणे व घेणे कायद्याने गुन्हा आहे.
	लाच मागणारे ना कोणाचे मित्र असतात ना कोणाचे मदतगार.
	आपल्या कामाकरिता कोणी आपणाकडे लाच मागत असल्यास कृपया ठाम नकार द्या.
	लाच देणारा व घेणारा दोघेही शिक्षेस पात्र आहेत.
	कोणत्याही अमिषास बळी पडू नये त्याचे परिणाम शेवटी घातकच ठरतात.
	नोकरीच्या खोटया अमिषाला बळी पडू नका.
	तुमच्याकडून कोणत्याही शासकीय कामासाठी लाच मागितल्यास हाती लेखनी धरा, अँटी करप्शन खात्याकडे तक्रार करा.
	खाजगी क्षेत्रातील अधिकारी / कर्मचारी अँटी करप्शन विभागाच्या कार्यकक्षेत येत नाही.
	तुम्हाला अँटी करप्शन खात्याविषयी अधिक माहिती हवी असल्यास 022-24921212 हा दूरध्वनी डायल करा.
	तक्रार केल्यानंतर तुमच्या तक्रारीची छाननी करून संबंधितांना रंगेहात पकडण्यासाठी सापळा रचला जाऊ शकतो.
	सापळा रचण्यासाठी तुम्ही अँटी करप्शन खात्यास लाच मागणा-या व्यक्तीचे नांव, वर्णन, लाचेचे स्वरूप व तपशील इ. तक्रारीबाबतची सविस्तर व अचूक माहिती कळविणे आवश्यक आहे.
	सापळा रचण्यात येणा-या ठिकाणी तुम्ही अँटी करप्शन अधिका-यांच्या सूचना व मार्गदर्शनाप्रमाणे न घाबरता सहकार्य करणे आवश्यक आहे.
	सापळा रचण्यापूर्वी अथवा नंतर कोणत्याही दबावास बळी पडू नये.
	अँटी करप्शन विभागाची स्वतंत्र वेबसाईट आहे. या वेबसाईटचा पत्ता www.acbmaharashtra.org आहे.
	वेबसाईटवरून तुम्ही ऑनलाईन तक्रार नोंदवू शकता. तक्रार नोंदवण्यासाठी येथे क्लिक करा.
	तुम्ही तुमची तक्रार टोल फ्री क्रमांक 1800-222021 यावर करू शकता.
आपल्या मनात अनेक प्रश्न असतात. त्याची उत्तरे खालील विवेचनावरुन तुमच्या लक्षात येतील.
	कोणाविरूध्द तक्रार करता येते ?
	तक्रारीबाबत कोणती दक्षता घ्याल ?
	अँटी करप्शनकडे तक्रार केल्याचे फायदे
	तक्रारीचा होणारा परिणाम
कोणाविरूध्द तक्रार करता येते
	सर्व शासकीय / निमशासकीय महामंडळे / नगरपालिका / महानगरपालिका / जिल्हा परिषदा / शासनाचे अनुदान घेणा-या सर्व संस्था यातील अधिकारी / कर्मचारी यांचे विरूध्द.
	लोकप्रतिनिधींचे विरूध्द.
तक्रारीबाबत कोणती दक्षता घ्याल
	तक्रारीची गुप्तता ठेवा.
	ज्याच्या विरूध्द तक्रार करीत आहात, त्यास याबाबतची माहिती होऊ देऊ नका.
	तक्रारीसंबंधीची माहिती असंबंधित व्यक्तिस सांगू नका.
	तक्रारीबाबत दूरध्वनीवरून संपर्क करण्याऐवजी प्रत्यक्ष संबंधित कार्यालयात जा.
	आपले तक्रार ते स्वतः लिहून घेतात.
	राग आला असेल तरी धमकी अथवा कोणतेही इशारा वर्तन करू नका.
	तक्रार अर्जाचे टायपिंग सार्वजनिक ठिकाणी करू नका.
	तक्रार ज्याच्या विरूध्द आहे, त्याच्या संबंधित सर्व माहिती उदाहरणार्थ नांव, पद, कामाचे स्वरूप, कार्यालयाचे नांव, व त्यासंबंधीची कागदपत्रे, उतारे, माहिती, संबंधिताने मागणी केलेल्या लाचेची रक्कम, या सर्व बाबी अचूक असणे आवश्यक आहे.
अँटी करप्शनकडे तक्रार केल्याचे फायदे
	काम लवकर होते.
	अपूर्ण अवस्थेतील काम असेल तर अँटी करप्शनचे अधिकारी काम पूर्ण करून घेण्यासाठी पाठपुरावा करतात.
	कोर्टात वारंवार हेलपाटे घालावे लागत नाहीत.
	स्वतःचा वकील नेमण्याची आवश्यकता नसते.
	लाचेची रक्कम परत मिळते.
	तक्रारीची संपूर्ण गुप्तता पाळली जाते.
	योग्य सल्ला व मार्गदर्शन मिळते.
तक्रारीचा होणारा परिणाम
	दोषी व्यक्तीस समाजात किंमत रहात नाही.
	दोषी व्यक्तीस जिवंत असूनही मेल्यासारखे होते.
	निकाल लागेपर्यंत मनस्ताप होतो.
	दोषी ठरल्यास निवृत्तीचे कोणतेही आर्थिक लाभ मिळत नाहीत.
तक्रार करण्यासाठी तुमचा जिल्हा निवडा.    जिल्ह्याचे नाव बीडठाणेधुळेपुणेअकोलाजळगावजालनानाशिकपरभणीरायगडलातूरवर्धावाशिममुंबई ( उपनगर )मुंबई (शहर)नांदेडनागपूरभंडारायवतमाळसांगलीसाताराअमरावतीअहमदनगरगोंदियाबुलढाणासोलापूरहिंगोलीऔरंगाबादगडचिरोलीचंद्रपूरनंदूरबारकोल्हापूररत्नागिरीउस्मानाबादसिंधुदुर्ग